Kya Rozay Ki Zaban Se Niyat Karna Zurori Hai In Urdu Hindi

0
39
views
Kya Rozay Ki Zaban Se Niyat Karna Zurori Hai In Urdu Hindi

Kya Rozay Ki Zaban Se Niyat Karna Zurori Hai

Agar koi shakhs Ramadaan-ul-Mubarak mein rozay ki niyat se sehri ke liye uthta hai sehri karta hai baqaida roza rakhta hai lekin zaban se rozay ki niyat nahi karta kya is ka roza ho jaye ga? sirf Zaban se niyat karne se.

Dil se rozay ki niyat ki hai sehri ke liye nahi uthta ya iradah to tha lekin soya hwa reh jata hai lekin subah uth kar baqaida roza rakhta hai or roze se rehta hai Albata lafzan zaban se niyat nahi karta kya is terhan roza ada ho jaye ga.

Kya Rozay Ki Zaban Se Niyat Karna Zurori Hai In Urdu Hindi

Niyat dil ke iraday ka naam hai aur yeh qalb-o-zehan ka amal hai is liye Ehhad-e-Risalat mein un ibadaat ke liye lafzan niyat ke kalmaat mazkoor nahi hain aur un nafoos-e-Qudsia ko is ki zaroorat bhi nahi thi kyun kay woh har waqt aur har ibadat mein Huzoor-e-Qalbi tavajja-e-Ellallah aur ikhlaas ki kefiyaat se sarshar rehtay they who

jism-o- rooh qalb aur Qalib ki yaksoi Jamiat aur Azimat ke sath douran-e-ibadat balkay har haal mein zaat baari taala ki janib mutwajjah rehtay they is liye un ko lafzon se niyat ada karne ki zaroorat nahi parti thi.

Balkay isi binah par baaz mutaqadhi mean ne lafzan niyat ko bidat kaha yani zuban se ke Janay wali niyat lekin moakherren-e-fuqha karaam aur

Jamhoor-e-ullama ummat ne jab yeh dekha ke un logon mein Huzoori Qalb aur istekhsaar ki woh kefiyat baqi nahi rahi toh unhon ne lafzan niyat ko mustahsan-o-mustahib qarar diya taakay ibadat guzaar ka zehan agar kisi aur janib mutwajjah hai toh kalmaat  ada karne se asal maqsad yani ibadat ki janib mutwajjah ho jaye.

Un tamheedi kalmaat kay baad guzarish hai ke mazkoor baala pehli 2 sooraton mein jabkay is shakhs ki niyat roza ki hai aur amlan roza rakh raha hai toh lafzan niyat ke kalmaat ada karne ke bawajood roza sahi tor par ada ho jaye ga aur ajar mein koi kami waqay nahi hogi aur pehli soorat mein to uska sehri ke liye uthna aur sehri karna yeh mukammal tour par uski niyat roze par Dalalat karta hai.

Haan Albata agar koi shakhs roze ke niyat k binna niyat-e-ibadat ke baghair bhooka piyasa rahay to yeh roza nahi hoga balkay faqa kashi hogi.
wallah-o-taala aalam-o-bis swab.