Khowaboon ki tabeer | khabo ki tabeer in Urdu Hindi

0
35
views

Khowaboon ki tabeer | khabo ki tabeer in Urdu Hindi

Achay khowaboon ke baare mein hukum hai ke woh Saleh logon ko bayan kardiye jaye aur buray khowaboon ke baare mein hukum hai ke un ko bayan nah kiye jayen kuch khawab aisay hotay hain jo din pooray ho jatay hain.

Jis terhan Hazrat Khuzaima ney khawab dekha aur Nabi kareem sale Allah aleh wa alehe wasallam ko btanay lagey ke Huzoor mein ney aik khawab dekha hai ke mein aap ki peshani par sajjda kar raha hon.

Aap sale Allah aleh wasallam ney khawab suna aur kaha ke baqi batain baad mein karen ge pehlay khawab ki tabeer poori kar lo.

Kabhi to aisa hotaa hai ke raat ko khawab dekha aur subah ko uski tabeer mil gayi kuch khawab aisay hotay hain

Jin ki tabeer taq pahunchte pahunchte barson lag jatay hain kuch khawab mehez veham ka sabab hotay hain un ke asbaab aur un ke peechay jo muharikaat hain woh mehez veham hotay hain fasid khayalat aur nafsiati bemari bhi wajah se kuch khawab bhi atay hain jo sirf ohaam hotay hain.

Lekin kuch khawab sachey bhi hotay hain is mazmoon ki 2 batain zehan mein rakh len jo khawab Nabi dekhe woh sacha hota hai aur khawab mein jo Nabi ko dekhe woh bhi khawab sacha hota hai.

Huzoor sale Allah aleh wa-alehe wasallam ney farmaya jis ney mujhe khawab mein dekha yaqeenan is ney khawab mein mujhe hi dekha
kyunkay sheataan khawab mein aakar be mera rop lene ki jurat nahi kar sakta aur nah hi yeh keh sakta hai ke mein Mustafa sale Allah aleh wasallam hon.

Dilchasp waqea

Hazrat Imam Boseeri soye aur khawab mein aap Sale Allah aleh wasallam ko dekha imam ney Qasida burdha shareef likha tha lekin abhi taq kisi ko sunaya nahi tha aur faalij zada they aur shahoon ke Shah ka Qasida likha bemaar parre hue they aur saari zindagi duniya k badshahon ke qaseeday likhte rahay bemaar hue to kisi ney bhi nah pocha ab koy haal poochnay wala nahi tha to phir baith ke Huzoor sale Allah aleh wasallam ka Qasida likha.

Shahoon ke Shah ki Qasida aarai ki aur phir so gay aur aap sale Allah aleh wasallam ko khawab mein dekha aap sale Allah aleh wasallam ney farmaya ke Boseeri raat wala Qasida to sunao phir sara kuch aap salle Allah aleh wasallam ko suna diya aap sale Allah aleh wasallam ney sara Qasida sun kar apna dast mubarak unkay jism par phera aur aap shfa yab hogaye aur apni chadar utaar kar imam Boseeri ke kaandhon par daal di imam Boseeri jab utthay to bemaari gayi the aur chadar kkandhon par mojood thi.

Uthay to falij nahi tha jaldi se masjid mein gay aur rastay mein aik darwaish mila aur is ney kaha Boseeri raat wala Qasida toh sunah do abi toh imam Boseeri ney Qasida kisi ko sunaya nahi tha aur barray heran hokar is darwaish se poocha ke konsa Qasida is darwaish ney kaha ke bhoolay nah bano wohi Qasida jo raat ko Huzoor ko sunaya tha toh phir woh Qasida sunaya.

Qasida Ye Hai.

مَوْلايَ صَلِّ وَسَلِّـمْ دَائِمـاً أَبـَـدًا 
عَلى حَبِيْبِـكَ خَيْــرِ الْخَلْقِ كُلِّهِـمِ 

مُحَمَّدٌ سَـيِّدُ الْكَــوْنَيْنِ وَالثَّقَلَـيْنِ
وَالْفَرِيْقَـيْنِ مِنْ عُـرْبٍ وَّمِنْ عَجَـمِ

Ek Aur Waqea Ap Ki Khdmit Man Peash Karta Hon

Hazrat Ali razi Allah anho farmatay hain ke mein soya hwa tha aur khawab mein aap sale Allah aleh wa-alehe wasallam ko dekha k masjid mein baithy hain aur kahin se kuch khjorin ayen hain Huzoor sab ko woh khjorin day rahay they aik khajoor mujhe bhi den mein khawab mein hi woh khajoor khanay laga aur itna lutaf aaya is se pehlay koi khajoor khanay ka bhi itna maza nahi aya Hazrat Ali farmatay hain ke mera jee chaha ke mein Huzoor se aik khajoor aur maangu lekin adhab aur hayya nay rok rakha k sab ko 1,1 khajoor ataa ki aur mujhe 2 kyun den gay lekin mein khamosh raha par dil machalta tha ke aik khajoor aur mil jaye to isi isna mein meri aankh khul gayi.

Aankh khuli to khajoor ka zayeqa mere mun mein mojood tha jis ney Huzoor se khawab mein kuch wusool kya haqeeqat mein bhi Huzoor nay hi ataa kya Hazrat Ali kehte hain ke jab meri aankh khuli to masjid mein azaan goonj rahi thi mein ney wuzu kya sunnat parri aur Masjid-e-nabwi mein chala gaya Hazrat Umar jamaat kara rahay they salam phera to mere dil mein aaya ke shayad koi khjorin bhi le kar aeye to aik aadmi khajoron ka tokra le kar aagaya Hazrat Umar khjorin baantane lagey jab meri baari aayi to mujhe bhi aik khajoor di mein ney khajoor le kar mun mein rakhe toh rat wala zayeqa yaad aagaya Huzoor se toh maang na saka lekin Hazrat Umar se to dostana tha mein ney kaha Umar aik khajoor se kaam nahi chalay ga mujhe toh aik khajoor aur do to janab-e-Umar ney maienay khaiz nazron se meri taraf dekha aur phir muskura kar bolay ke Ali Huzoor ney di thi jo mein bhi do jab Huzoor ney aik di thi to mein bhi aik hi dun ga.

Kuch khawab aisay hotay hain jo khawab hotay hain aur kuch khawab aisay hotay hain jo haqeeqat ka roop dhaar letay hain is liye apna khawab kisi aisay shakhs ko batayen jo musalman hon aur khawab ki tabeer jaanta ho kyunkay khawab ki tabeer jo jaisi betaye ga woh tabeer waisi hi ho jaye gi.

Umeed hai ke ap ko meri bat samaj a gaye ho gi akhir main ghuzarish hai ke ap jo b khawaab dekhen us ko har aik ko btanay se ijjtnab karen or kisi sahib-e-ilm ko apna khawaab beyan karen.

Kunkay ap ke khawaab ke jo tabeer btaye jaye gi aghar toh wo Allah ke hokum se pori honi hai toh wese he pori ho ghi jesi ap ko us ke tabeer btaye gaye ho ghi.

Previous articleAjwain aur lehsan ko mila kar istemaal karnay k faiday
Next articleDanoton Ka Peela Pan Daur Karne Ka Tareeqa In Urdu Hindi
اسلام علیکم ورحمتہ اللہ وبرکاتہ:- میرا نام محمد اطہر رسول ہے میرا تعلق پنجاب پاکستان سے ہے الحمداللہ 17 سال سے عملیات کی دنیا سے وابستہ ہوں الحمدللہ بہت سے عمل کئے اللہ تعالی نے کامیابی سے نوازا آپ لوگوں کو اگر کسی بھی عمل کے بارے میں کچھ پوچھنا ہو جو آپ کو سمجھ نہ آ رہی ہو آپ ہمیں کسی بھی پوسٹ کے نیچے کمینٹ کرکے پوچھ سکتے ہیں یا پھر آپ ہمارے واٹس ایپ نمبر پر بھی رابطہ کر سکتے ہیں+923344211117 اگر کسی بھائی اور بہن کی اولاد نرینہ نہ ہو وہ ہم سے رابطہ کریں ان کو ایک ایسا عمل بتایا جائے گا جس سے سوفیصد اولاد نرینہ اللہ تعالی عطا فرما دے گا! الحمدللہ اولاد نرینہ والا عمل 54 لوگوں کو بتایا گیا ان لوگوں نے اس پر عمل کیا اور میرے اللہ نے کرم فرما دیا میرے اللہ نے ان کو اولاد نرینہ سے نواز دیا اگر آپ اس کی خواہش رکھتے ہیں تو ہمارے نمبر پر رابطہ کر سکتے ہیں یا پھر ہماری کسی بھی پوسٹ کے نیچے کمنٹ کر سکتے ہیں یا پھر ہمارے یوٹیوب چینل پر بھی کمنٹ کرکے پوچھا جا سکتا ہے وسلام علیکم ورحمۃ اللہ وبرکاتہ
SHARE